三月十一日~(星期二)~ 今日難得係小弟的生日﹐但係都要係A & E 度過~~ 雖然我真係好喜歡係Ａ&Ｅ到做﹐對我來說真係好有滿足感～但係我真係唔想生日都要搓人﹐見到生命係我面前消逝～ 我係A &E 個Triage 到做嘢～人流真係比想像中還要多﹐大至SOB, 小至膝頭哥擦傷都有﹐最搞笑係都連生痱滋都黎睇A & E﹐真係離曬大譜~簡直濫用我地納稅人的民脂民膏~ 我不斷係到諗住今日千祈唔好有人要入R 房呀~千祈唔好~ 但有d嘢點避都係避唔到﹐我tea完之後番Triage﹐經過R 房見到拉左簾﹐都心知不妙~入左去已經見到個patient用張linen cover左個頭..... 唉~~~生有時死亦有時~ 希望呢個係今日的最後一個~
同時我也希望今天可以收到她的一句'生日快樂'!
我繼續係triage 到做嘢, 救護員送左個好得意ge細路女入黎﹐佢仲着住件幼稚園校服﹐真係好可愛﹐但係佢入黎嗰陣巳經SOB緊﹐SaO2剩番八十幾﹐細問之下原來係asthmatic attack~~結果還是要到R 房搶救.... 我的心再次沉下去..... Maintain Airway, Breathing, Circulation.....像robot般做着上堂教的東西~但是我的心卻不斷想着'如果世上真係有神的話﹐神呀, 請你救救正在受苦難的小孩吧!' 我不要任何生日禮物﹐我只想救到她!! 如果神真的能夠救到她的話﹐我情願再也收不到她的SMS~~ 慾望往往是那樣直接﹐但卻是那樣真實..... 為何神要無辜的小孩受苦受難??!! 那個女孩和她媽媽真係好堅強﹐支針像鉛芯那麼粗﹐狠狠地刺在她的身上﹐唔好講佢比人打﹐連在旁搶救的我也看到痛心﹐而她卻連一句怨言也沒有﹐而她的媽媽在旁握着她的手﹐微笑着向她説: 媽咪係妳隔離﹐妳唔洗怕﹐我地好快番到屋企! 她沒有哭但是我看得出她是在强忍着哭水.... 經過個多小時的搶救‥女孩開始consicous and alert了﹐但係要入PICU﹐用呼吸機mainatin住條airway﹐總算住保左條命仔.... 感謝主!! 雖然我再照顧唔到佢﹐我好可能連什麼名字都唔知﹐但係我永遠會記住我曾經為她的生命而努力過奮鬥過.... If familarity makes contempt, contempt hardens the heart, I will always remind me to put my foot into other's shoes. 我會永遠記住呢一份生日禮物~~ | 
